pidato adat

Pidato Manjanguak 

Manjanguak atau dalam bahasa indonesianya  "Takziah"

asalamualaikum wrwb
Manyo angku, angku, niniak mamak sarato bapak kami silang nan bapangka karajo nan bapokok aratinyo nan bakarano ado nan manjadi ujuik jo mukasuik dikami nan sabondong datang salangkah naik, alah ko bana kami katangahkan.
(BIASO DI JAWEK DEK BAPAK)
alah bana nyoh

Pulang kato bakeh bapak kami silang nan bapangka karajo nan bapokok. 

Aratino karano lah pituah di nan tuo,  

mujue sapanjang jalan, malang sakijok mato. 

Lah biaso limbago baliak ka nan punyo, nyawo kumbali ka nan kuaso.
Tumbuah di nan bak sakarang nangko.
Lah tumbuah kamalangan di tangah rumah bapak kami.
Lah bapulang amai kami maadok nan bapunyo. 

Itulah mangko kami bacapek kaki baayun langkah naiak ateh rumah nangko, manjaguak manuruik adaik, 

manampak kan muko nan janiah hati nan suci, 

malapehi utang piutang dunia akirat, 

takziah manuruik syarak, 

malapehi sagalo gawa nan jo sasek sagalo kilauh jo kilapaik.
kok ado di kami taradok almarhumah tasingguang bakeh naiak talantak bakeh turun, baiak sangajo maupun nan ndak tasangajo, 

ko lah bapintakan di kami maaf manuruik adaik jo syarak bakeh bapak kami silang sapangka karajo nan bapokok.

sakian sambah kumbali bakeh bapak kami.